Синот на Есма ја компонирал песната „Империја“ за Евровизија
СКОПЈЕ / 20.02.13 / 13:26
Симеон Атанасовски, синот на Есма, е композитор на песната „Империја“ со која Македонија годинава ќе се претстави на изборот за песна на Евровизија во Малме.
Песната „Империја“, согласно изборот на МРТ ќе ја изведат Есма Реџепова и Влатко Лозаноски.
Спотот за евровизиската песна е во подготовка, а заедно со песната ќе биде промовиран на 27 февруари на Првата програма на МТВ.
Промоцијата ќе биде извршена на специјална програма на ТВ за претстојниот избор за песна за Евровизија.
Текстот на песната е на Борче Нечоски, а аранжманот е на Дејан Момироски.