Штрајк со глад за одбрана на името
СКОПЈЕ / 17.12.10 / 23:39
Штрајк со глад како симболичен гест за обрана на се што е македонско започнаа вечерва група од 30-тина граѓани.
Тие вечерва во библиотеката „Браќа Миладиновци“ во Скопје започнаа 24-часовен штрајк со глад во обид да застанат простум во битката за зачувување на македонскиот идентитет и името на државата.
Ова не е не ништо за нас, никому ова нема да му биде тешко/ Целта е онаа што сите нас не води“, изјави Борис Видевски член на организационен одбор за Телевизијата Канал 5.
Тој повгтори дека зад оваа иницијатива не стојат политички партии и ги повика и другите граѓани да им се приклучат во штрајкот.
„Ние сме Македонци. Нашите предци се Македонци. Нашата држава вековно била Македонија и мора да остане Македонија. Ние не ги повикавме политичарите, туку индивидуите. Побаравме секој човек овде во Македонија, дури и на 24 часа својата професија, политичка припадност да ја стави на страна и онаков каков што се прибира дома кога ги гледа своите деца, своите родители, таков да се приклучи на штрајкот,“, порача Видевски.
Според него, ова е прв предупредувачки штрајк со глад, а најавени се и други акции што ќе траат подолго.
Со овој чин организаторите очекуваат дека ќе го привлечат вниманието на меѓународната јавност поинаку да го третира пороблемот со името на Македонија./крај/ (еР) тт