Осомничените за „Шпион“ добија 30-дневен притвор
СКОПЈЕ / 18.09.13 / 11:20
Истражниот судија им определи 30-дневен притвор на 16 лица уапсени во големата полициска акција, осомничени за шпионажа, злосторничко здружување, злоупотреба на службената положба, уцени и измами.
На едно лице му е одреден домашен притвор поради здравствени причини.
Притвор во отсуство им е одреден и на тројцата осомничени кои се уште не се достапни за полицијата.
Во акцијата наречена „Шпион“, полицијата поднесе кривични пријави за вкупно 20 лица од кои тројца се во бегство.
Тие се товарат дека оддавале информации на странски безбедносни служби, главно на соседна земја.
Освен со шпионажа тие сее сомничат дека вршеле измами и уценувале јавни личности и лица од бизнис заедницата, земајќи им пари и заканувајќи им се дека ќе објават компромитирачки материјали за нив на интернет портали.
Меѓу уапсените се шефот на кабинетот на собранискиот спикер, Марјан Маџовски, поранешниот директор на Агенцијата против перење пари, Ване Цветанов, поранешниот полициски генерал Горан Стојков, Александар Динески од УБК, а полицијата трага по новинарот Зоран Божиновски сопственик на интернет весникот „Буревесник".