СДСМ – Уште колку роднини на Груевски останаа незгрижени?
СКОПЈЕ / 10.04.11 / 13:34
Информациите кои денес ќе ги објавиме не се априлска шега, туку сурова реалност која сведочи за бесрамноста на режимот на Груевски и ВМРО ДПМНЕ.
СДСМ во континуитет тврди дека Груевски во изминативе пет години врши дрска, брутална партизација на администрацијата, судството, невладиниот сектор, синдикатите, па дури посегна и по медиумите.
Само во Владата на Република Македонија, во изминативе пет години, на различен начин се вработени и ангажирани:
-Влатко Илиевски, сопруг на министерката за внатрешни работи, Гордана Јанкуловска;
-Аида Зекирова, сестра на Ален Зекиров, телохранителот на Сашо Мијалков;
-Синиша Цветановски, син на поранешниот претседател на СОНК, Дојчин Цветановски;
-Филип Доневски, син на новинарката Мирка Велиновска, кој преку Агенција за привремени вработувања бил ангажиран во кабинетот за странски инвестиции.
Но, Груевски и ВМРО ДПМНЕ не застануваат тука. Додека младите седат дома без перспектива и без работа Фамилијата се грижи само за своите.
Согласно овој документ од Агенцијата за вработување, на 17 февруари 2011 година, во Министерството за внатрешни работи на неопределено време, и тоа без јавен оглас, е вработен Зоран Симеонов, близок роднина на Боркица Груевска, сопруга на македонскиот премиер.
Тотално е нејасно по кои критериуми се воделе во МВР за да го вработат роднината на Боркица Груевска без јавен оглас, бидејќи претходното негово вработување било во гранапче кое било ликвидирано од Основниот Суд во Скопје.
Господине Груевски,
Уште колку роднини имате за згрижување?
Ова е класична злоупотреба на народните пари за задоволување на лични и партиски цели и некој мора да понесе одговорност.
Изјава СДСМ
Дарко Давитковски, Претседател на СДMM
*Агенцијата еРепортер им го отстапува просторот на политички партии, институции и здруженија, и ги пренесува нивните соопштенија интегрално и без какви било измени. Одговорноста за содржината на соопштенијата е исклучиво нивна.